Birababaje yapfuye ku munsi wateguweho ubukwe bwe azize kanseri

Heather Lindsay umugore wari ufite imyaka 31 y’amavuko yashyingiranywe n’umugabo yakundaga cyane ku ya 22 Ukuboza, nyuma y’imyaka 2 amenye ko arwaye kanseri y’ibere, asezerana ari mu bitaro ndetse agifite ibyuma bimwongerera umwuka ku mazuru.

Uyu mugore akimara gusezerana n’umugabo yakundaga cyane witwa Dave, yahise azamura amaboko avuga amagambo yateye benshi ikiniga, aho yavugaga urukundo rudasanzwe akunda Dave ndetse n’uburyo atewe ishema no kwitwa umugore we.

Umukobwa wari wamwambariye yabisdobanuye muri aya magambo “Yasakuzaga cyane avuga uburyo akunda Dave kandi ko ubu ashobora kuvuga ngo ‘Ndi umugore we’. Yabwiraga urupfu ngo ‘nta bwoba unteye, ndi mu rukundo kandi ndarwishimira muri aka kanya”

Ubuzima bwe butangiye gucika intege cyane, abaganga n’abo mu muryango we bahise bihutisha umunsi w’ubukwe maze koko nyuma y’amasaha 18 gusa ashyingiwe ahita apfa, bituma anashyingurwa ku munsi wari uteganyijwe kuberaho ubukwe bwe.

41Shares

You may also like...