Manchester City yongereye ikinyuranyo hagati yayo n’amakipe bahanganye

 

N. Otamendi yishimira igitego cy’insinzi

Ikipe ya Manchester City itsindiye Mnchester United ku kibuga cyayo Old Traffold ihita iyisiga amanota 11 ku rutonde rusange rwa shampiyona y’Ubwongereza yari igeze ku munsi wayo wa 16.

Ikipe y’umutoza Pep Guardiola ikomeje gushyira intera ndende hagati yayo n’amakipe bahanganiye igikombe cya premier League nyuma y’aho kuri iki cyumweru ibashije gutsinda Manchester United ibitego 2-1 byatsinzwe na David Silva ku munota wa 43 na Nicolas Otamendi ku munota wa 54 mu gihe igitego cy’impozamarira cya Manchester United cyatsinzwe na Marcus Rashford ku munota wa 45 w’umukino.

Uku gutsinda kwa Manchester City,kwari ukwa 14 yikurikiranya muri uyu mwaka w’imikino wa shampiyona y’Ubwongereza dore ko imaze gutakaza amanota 2 gusa mu mikino 16 imaze gukina.

Manchester City ikomeje gushimangira ubushobozi bwayo bwo kwegukana igikombe cya shampiyona kuko irarusha Manchester United iyikurikiye ku mwanya wa 2 amanota 11,ikarusha Chelsea ya 3 amanota 14.

Ikipe ya Manchester City yihariye umupira ku kigero cya 65 ku ijana mu gihe Manchester United yo yagize 35 ndetse ikipe ya Manchester United yageze mu rubuga rw’umunyezamu wa Manchester City inshuro 10 gusa zirimo uburyo bukomeye bwahushijwe na Romelu Lukaku.

Manchester United yari imaze imikino 40 idatsindirwa mu rugo Old Traffold dore ko iheruka kuhatsindirwa nanone na Manchester City ibitego 2-1 mu mwaka wa 2016.

0Shares

You may also like...