Gahuranyi yasimbuye Ishimwe Fiona ku buyobozi bwa FERWABA
Kuri uyu wa 18 Ugushyingo 2025, Gahuranyi François Régis yagizwe ku mugaragaro Umuyobozi Nshingwabikorwa w’Ishyirahamwe Nyarwanda ry’Umukino wa Basketball (FERWABA), asimbura Ishimwe Fiona wari umaze imyaka itatu ayobora iri shyirahamwe.
Gahuranyi, wabaye umukinnyi wa Basketball mu makipe atandukanye arimo UGB, yavuze ko afite intego ye ari ugukomeza ubufatanye bw’amakipe n’abandi bafatanyabikorwa mu rwego rwo kubakira ku musingi usanzweho mu guteza imbere FERWABA no kuzamura umukino wa Basketball mu Rwanda.
Iri shyirahamwe rifite amateka akomeye mu guteza imbere umukino wa Basketball mu Rwanda, rikaba ryaragize uruhare mu gutegura amarushanwa y’abakiri bato ndetse n’abakuru, ndetse no guhugura abatoza n’abanyamwuga. Gushyira Gahuranyi François Régis ku buyobozi byitezweho gukomeza iyo nzira, hanashyirwaho gahunda nshya z’iterambere ry’umukino no guteza imbere impano z’abakiri bato.
Kuba Gahuranyi François Régis yabaye umuyobozi w’iri shyirahamwe ni icyemezo cy’ingenzi kigamije gukomeza guteza imbere Basketball mu Rwanda, hifashishijwe ubunararibonye bwe ndetse n’ubufatanye n’amakipe n’abafatanyabikorwa, hagamijwe kuzamura ireme n’iterambere ry’umukino mu gihugu.
Gahuranyi yagizwe Umuyobozi Nshingwabikorwa wa FERWABA
Ishimwe Fiona wasimbuwe na Gahuranyi François Régis
