Uruhare rw’abagore mu kubaka Igihugu mu myaka 20 ishize
Perezida w’Urukiko rw’Ikirenga rw’u Rwanda, Madamu Domitilla Mukantaganzwa, yasangije abitabiriye Inama y’Abaminisitiri b’ibihugu by’Umuryango Mpuzamahanga w’Ibihugu bikoresha Igifaransa (OIF), uruhare abagore bagize kandi bakomeje kugira mu kubaka u Rwanda.
Yavuze ko mu myaka 20 ishize, abagore bagize uruhare runini mu kwimakaza ukuri n’ubwiyunge ndetse na n’ubu bakiri inkingi ya mwamba mu guhuza no gufatsha imiryango.
Yagize ati: “Mu myaka 20 ishize nagiriwe icyizere cyo gukurikirana Inkiko Gacaca, muri zo abagore bagize uruhare mu kwimakaza ukuri n’ubwiyunge. Uyu munsi na bwo abagore bagize kimwe cya kabiri cy’abahuza n’abafasha mu miryango, aho babikora ku buntu mu Gihugu hose”.
Yakomeje avuga ko ibyo bakora bifasha mu gukemura ibibazo byerekeye ihohoterwa rishingiye ku gitsina n’ihohoterwa rikorerwa abana.
Yongeyeho ati: “Ubwo twibuka imyaka 30 ishize habayeho inama ya Beijing, twese dufite inshingano zo guhindura icyizere cyatanzwe mu bihe byashize kikaba ibikorwa bifatika kandi bidasubira inyuma. Uburinganire bw’abagabo n’abagore ntibugomba kuba mu magambo gusa ahubwo bugomba kuba ari ari kuzima kurinzwe, guhabwa agaciro kandi bikaba ahantu hose”.
Iyo nama ya Beijing yabaye mu 1995 yari inteko mpuzamahanga yafatashe umugambi wo guteza imbere uburenganzira bw’abagore no gushyiraho uburyo bwo kurengera no kongerera ubushobozi abagore mu nzego zose z’ubuzima.
Perezida w’Urukiko rw’Ikirenga rw’u Rwanda yatangaje ibi mu nama ya 46 y’abaminisitiri bo mu bihugu bigize Umuryango Mpuzamahanga w’Ibihugu Bikoresha Igifaransa (OIF) iri kubera i Kigali kuva ku wa 19 kugeza ku wa 20 Ugushyingo 2025.
