Umumotari yishwe ashyiriye umukiriya “iPhone 17 Pro Max”
Umugabo w’imyaka 30 ufite abana batatu, Antony Otieno, basanze yishwe urw’agashinyaguro muri Meridian Apartments iherereye South B i Nairobi, mu rupfu polisi ikeka ko ku gushyira umukiriya telefoni yari yatumijwe hakoreshejwe WhatsApp n’uwavugaga ko yitwa Eldoret.
Uwo mugabo yavuze ko murumuna we witwa Hillary ari we uza gufata iyo telefone ndetse ikishyurwa nyuma yo kuyibona. Iryo ni ryo jwi rya nyuma ryumvikanye kuri Antony.
Nyuma y’amasaha make, umurambo we wabonetse munsi y’uburiri bwo mu cyumba nimero 14 ku igorofa rya kane. Amaboko n’amaguru bihambirijwe imigozi naho umunwa upfukishijwe ikariso, aryamye mu maraso—nk’uko raporo yo gusuzuma umurambo yemeje ko yakubiswe igikoresho gikomeye ku mutwe.
Abaporisi basanze icyuma mu cyumba, inkoni y’icyuma bikekwa ko ari byo byamwishe, ndetse na telefoni yari agiye gutanga. Moto ye yari yasigaye iparitse hanze.
Icyumba cyari cyishyuwe amafaranga amashilingi ya Kenya 2,500 gusa amasaha make mbere n’abagabo babiri batazwi. Nyir’icumbi cya Airbnb, Charity Muthoni Michoki, yavuze ko ahagana saa tatu n’igice yabwiwe ko amafaranga yose yishyurwa nimugoroba. Ariko ubwo yageragayo areba icyumba, umwe muri abo bagabo yamusabye gutegereza.
Ibyakurikiyeho byari bibi: yasanze amaraso yashotse munsi y’urugi, ariko urugi rufunze. Afashijwe n’abaturanyi, bamennye urugi rw’icyumba maze babona umurambo wa Antony.
Polisi yahise yoherereza sosiyeti y’itumanaho ya Safaricom nimero ebyiri zakoreshejwe kugira ngo hamenyekane abazikoresheje. Bakeka ko abo bagabo bateguye ubu bwicanyi biyoberanyije babanje kugura telefoni ihenze.
Mu gihe umuryango wa Antony uri mu gahinda ko kubura umugabo, umubyeyi n’umukozi wakundaga umurimo we, inzego z’umutekano zirahamagarira abaturage gutanga amakuru yose yabafasha. Ishakisha ry’abamwishe rirakomeje.
