Cameroun: Ukuriye abatavuga rumwe n’ubutegetsi yahungiye muri Gambia

Issa Tchiroma Bakary, uyobora abatavuga rumwe n’ubutegetsi muri Cameroun kandi utaremeye ibyavuye mu matora ya perezida, yahungiye muri icyo gihugu kugira ngo arengerwe ku mutekano nk’uko bitangazwa na leta ya Gambia.

Tchiroma avuga ko ari we watsinze amatora yo ku wa 12 Ukwakira 2025, kandi ko ibyatangajwe byahimbwe kugira ngo Perezida Paul Biya w’imyaka 92 yongere kuyobora indi manda. Minisiteri y’itangazamakuru ya Gambia yavuze ko Tchiroma yagezeyo ku wa 7 Ugushyingo 2025 kandi agahabwa ubuhungiro bw’agateganyo.

Cameroun iramushinja guteza imyigaragambyo yagaragayemo urugomo nyuma y’amatora, ariko we arabihakana, avuga ko ari inzego z’umutekano zakoresheje ingufu mu kwirukana abigaragambya. Leta ivuga ko abantu 16 ari bo bishwe, nubwo imiryango yigenga itanga imibare iri hejuru.

Tchiroma yasezeranyije ko azakomeza kurwanya ubutegetsi bwa Biya kugeza intsinzi yiyemeza ko afite yemejwe. Biya umaze imyaka 43 ku butegetsi, yatangajwe ko yatsinze ku majwi 53.7%, naho Tchiroma aba uwa kabiri n’amajwi 35.2%.

Mu rugamba rwe rwo kwigaragaza, Tchiroma yari yahamagariye abantu kujya mu mihanda no guhagarika ibikorwa by’ubucuruzi. Amakuru y’aho yari aherereye yakomeje kuba urujijo kugeza Gambia itangaje ko ari yo yamwakiriye.

Mu itangazo, Gambia yavuze ko imucumbikiye ku mpamvu z’ubutabazi no mu rwego rwo gushaka igisubizo cya dipolomasi ku bibazo by’amatora bya Cameroun, ariko na none ivuga ko idashaka kuba ikicaro cy’ibigeragezo byo guhirika ubutegetsi nk’uko BBC dukesha iyi nkuru ibitangaza.

Ishyaka rikomeye ritavuga rumwe n’ubutegetsi muri Gambia, UDP, ryashinje leta ya bo kubura umucyo mu kugira ibanga ibyerekeye kwakira Tchiroma, nubwo ryavuze ko ryishimira ko yabonye ubuhungiro bwizewe, rikanemeza ko rizi uko ubutegetsi bw’igitugu butera ubwoba abatavuga rumwe na bwo.