Nyuma y’urwo gupfa, hiyongereyeho igifungo cy’imyaka 21
Sheikh Hasina, wahoze ari Minisitiri w’Intebe wa Bangladesh, yakatiwe igifungo cy’imyaka 21 ku byaha bya ruswa bijyanye no kwigarurira ubutaka bwari mu mushinga wa leta witwa “Purbachal New Town”, ahabwa ubutaka we n’umuryango we nubwo batari babyemerewe.
Ibi byiyongeraho kuba mu cyumweru gishize yakatiwe ighano cy’urupfu ku byaha byibasira inyokomuntu nyuma yo gutegeka ko habaho igitero cyahitanye abanyeshuri mu myigaragambyo yo guhirika ubutegetsi.
Hasina, ufite imyaka 78, yahunze Bangladesh ku wa 5 Kanama 2024 akoresheje kajugujugu, ubu abarizwa mu Buhinde kandi yanze gusubira mu gihugu cye nyuma y’uko urukiko rubitegetse.
Ubuhinde buracyasuzuma icyifuzo cya Bangladesh cyo kumusubizayo. Imiryango y’abaguye mu myigaragambyo ndetse n’abaturage bakibaza niba azashyikirizwa ubutabera.
Urukiko rwavuze ko imyitwarire ya Hasina igaragaza inyota yo kurya ruswa, kwishingikiriza ku bubasha no kwigwizaho umutungo wa leta. Yaburanye imanza eshatu zitandukanye maze igihano cya zo gihurizwa hamwe kigera ku myaka 21. Umuhungu we Sajeeb Wazed n’umukobwa we Saima Wazed bo bakatiwe imyaka itanu mu rubanza rumwe.
Umushinjacyaha yashimangiye ko azajurira urubanza, avuga ko yifuzaga igihano gikomeye kurushaho. Hasina n’ishyaka rye Awami League bamaze kenshi kwamagana izi manza, mu gihe imiryango iharanira uburenganzira bwa muntu yavuze ko ubutabera bwari bwuzuye kandi butabogamye.
Izindi manza zirebana no kwigarurira ubutaka ziracyarimo, kandi urubanza rushya rutegerejwe ku wa 1 Ukuboza 2025. Bangladesh iri mu bihe bikomeye bya politiki iri ku butegetsi bw’inzibacyuho bwa Muhammad Yunus, mu gihe amatora mashya ateganyijwe muri Gashyantare 2026.
Umuryango w’Abibumbye uvuga ko abantu bagera ku 1,400 bishwe mu bikorwa byo guhagarika imyigaragambyo Hasina yakoresheje ngo agume ku butegetsi.
