Abofisiye mu ngabo z’u Rwanda basuye Urwibutso rwa Jenoside rwa Kigali
Kuri uyu wa Kane tariki ya 20 Ugushyingo 2025, itsinda ry’aba ofisiye bari mu mahugurwa yo kubinjiza mu kazi mu Kigo cy’Amahugurwa ya Gisirikare cya Gabiro, basuye Urwibutso rwa Jenoside rwa Kigali, aho bunamiye abazize Jenoside yakorewe Abatutsi mu 1994.
Mu rugendo rwa bo, abasirikare banasuye Ingoro y’Umurage w’Urugamba rwo guhagarika Jenoside, igice cy’amasomo ya bo agamije kurushaho kubasobanurira amateka y’Igihugu no kubibutsa uruhare rw’Ingabo za RPA (Rwandan Patriotic Army) mu rugamba rwo kubohora u Rwanda no guhagarika Jenoside yakorewe Abatutsi.
Uru ruzinduko rwabaye isomo rikomeye kuri aba ofisiye, ribibutsa akamaro ko gusobanukirwa amateka y’Igihugu no kwiyemeza mu nshingano za bo z’ingenzi zo kurinda ubusugire n’umutekano w’u Rwanda. Buri wese yagaragaje ko uru ruzinduko ari uburyo bwo gukomeza kumva neza inshingano za RDF mu kubungabunga amahoro n’umutekano by’igihugu.
Abofisiye mu ngabo z’u Rwanda basuye Urwibutso rwa Jenoside rwa Kigali
