DUBAI: Abagande bari mu bakomerekeye mu bitero bya Iran

Abagande bari mu banyamahanga bakomerekeye mu bitero bya misile na drone bikomeje kwibasira Leta Zunze Ubumwe z’Abarabu (UAE) igabwaho na Iran.

Ubuyobozi bwatangaje ko ibi bitero byabaye ari bimwe mu binini bigabwe kuri UAE mu byumweru bishize.

Ubwirinzi bw’ibitero byo mu kirere bwa UAE bwahagaritse misile 294 zo mu bwoko bwa ballistique, misile 15 zo mu bwoko bwa ‘cruise missiles’ na drone zigera ku 1.600.
zaturutse muri Iran.

Minisiteri y’Ingabo muri UAE mu itangazo yatanze ryabonwe na ChimpReports, rigaragaza ko ingabo zikomeje kuba maso kandi ko ziteguye guhangana n’iterabwoba iryo ari ryo ryose.”

N’ubwo ibisasu bimwe byafashwe, hari ibyabacitse bigera ku butaka ndetse byateje ibibazo mu baturage ndetse n’abakozi b’abanyamahanga baba muri iki gihugu.

Minisiteri y’ingabo ivuga ko abantu batandatu barimo abaturage ba UAE, Pakistan, Nepal na Bangladesh, bishwe, mu gihe abandi 141 bakomeretse byororoheje.

Abakomeretse barimo abaturuka muri Uganda, Misiri, Sudani, Ethiopia, Philippines, Pakistan, Iran, u Buhinde, Bangladesh, Sri Lanka, Azerbaijan, Yemen, Eritrea, Liban, Afghanistan, Bahrein, Comoros, Türkiye, Irak, Nepal, Nigeria, Oman, Jordan, Palestine, Ghana, Indonesia na Sweden.