Menya ikirwa cyo muri Amerika kitabamo imodoka n’imwe
Mackinac Island ni ikirwa giherereye ku nkombe ya ruguru ya Michigan mu kiyaga cya Huron, ni ikirwa gituje kitagira imodoka kuva cyabaho.
Iki kirwa gifite abaturage 600 bahaba umwaka wose, nta modoka n’imwe, ndetse n’umuhanda umwe muri Amerika aho imodoka zidashobora gutwarwa.
Hari amafarashi 600 akoreshwa mu gutwara abantu, kohereza ibicuruzwa no gutwara imyanda, bityo bikaba bituma abatuyeyo bakomeza kubaho mu buryo bwo hambere.
Bakoresha amafarashi nk’inzira y’ubwikorezi
Iki kirwa cyamenyekanye kubera ubwiza bwa cyo, imihanda igera kuri kilometero 113 yo gutemberamo, isukari izwi cyane, n’ahantu h’ubukerarugendo hazwi nka Arch Rock. Abashyitsi benshi bagera kuri miliyoni 1.2 buri mwaka bakoresheje ubwato bukoresha iminota 20.
Mackinac Island ifite amateka akomeye y’abaturage kavukire bitwa Anishnaabe, aho hagiye haboneka ibibanza byo kubakaho bimaze imyaka igera ku 3,000.
Amateka y’Abongereza n’Amerika akomeza kugaragara mu ngoro za kera n’ibikoresho by’amateka, kandi hari n’inzu ndangamurage y’abaturage kavukire yafunguwe mu 2021.
Abahatuye bakoresha amagare n’amafarashi nk’imwe mu nzira z’ubwikorezi, bituma Mackinac iba ahantu hihariye mu gihe isi yose yibanda ku gukoresha imodoka.
Iki kirwa kiba cyiza cyane mu bihe by’itumba n’impeshyi aho kiba giteye akanyamuneza, kubera ubuzima bwo hambere kandi haba amahirwe yo kwidagadura mu mahoro n’umutekano.
Kuri iki kirwa bakoresha amagare n’amafarashi
