Ibinyoma utamenye ku gufata neza umusatsi
Twese dushaka kugira umusatsi mwiza kandi ufite ubuzima bwiza waba ari muremure, mugufi, urambuye cyangwa ukaraze.
Mu gihe uruganda rutunganya ibikoresho bisukura umusatsi rwinjiza amafaranga menshi kandi rubamo ibicuruzwa byinshi ndetse n’inkuru z’ibinyoma zo ku rubuga nkoranyambaga rwa TikTok, abahanga mu by’umusatsi basobanura ko kwita ku musatsi bitagusaba amafaranga menshi ahubwo bisaba kumenya iby’ingenzi.
Abahanga babiri, Eva Proudman na Tracey Walker, bavuguruza ibitekerezo bine byakunze gukwirakwizwa ku kwita ku musatsi:
- Amazi akonje ntiyongera ubwiza bw’umusatsi
Nta mpamvu yo kwiyemeza koga amazi akonje cyane ngo umusatsi ube mwiza. Amazi akonje nta cyo yongera ku musatsi. Icy’ingenzi ni ukuwurinda ubushyuhe bukabije n’imiti ikaze. Ariko na none ntugomba gukaraba amazi ashyushye cyane kuko byangiza umusatsi n’uruhu rw’umutwe.
2. Nta muti usana umusatsi wamaze kwangirika
Umusatsi wacitse ku mpera ntusanwa; kuwujata ni yo nzira yonyine yo kuwukomeza neza. Ibicuruzwa bivugwa ko bisana umusatsi uba wacitse ni ibisubizo by’igihe gito kuko bimeze nk’amavura atuma usa neza gusa. Kandi kogosha umusatsi ntibyihutisha gukura kwa wo—ni imvugo itari yo.
3. Umusatsi ntuwisukura ubwa wo, ibuka kuwogamo
Hari abavuga ko badakaraba mu mutwe umusatsi ukisukura, ariko ibyo si ukuri. Uruhu rw’umutwe rukusanya amavuta n’umwanda, kandi kubirengaho bitera impumuro mbi n’ibibazo by’uruhu. Ni byiza koga mu mutwe buri minsi na kabiri ku bafitemo amavuta menshi mu ruhu, naho abafite umusatsi wumye bagakoresha isabune zidakurura amavuta y’ingenzi.
4. Shampoo zumutse ntizisimbura koza umusatsi
Shampoo yumutse ishobora gutanga ihumure ry’ako kanya, ariko ntisimbura isuku nyayo. Ugomba kuyikoresha rimwe mu nshuro ebyiri, kuko kuyikoresha kenshi byatera ibibazo nk’imvuvu. Kwita ku ruhu rw’umutwe bikwiye gukorwa nk’uko wita ku ruhu rwo mu maso: ubanza kurusukura hanyuma ugashyiraho ibindi bikoresho nyuma.
