Menya icyo OCHA isaba ku mibereho mibi y’abatuye i Minembwe
Ishami ry’Umuryango w’Abibumbye rishinzwe ubutabazi, OCHA, ryatangaje ko abantu hafi 172,000 bafungiye muri Teritwari ya Minembwe mu Ntara ya Kivu y’Epfo muri Repubulika Iharanira Demokarasi ya Congo, asaba ko kugira ngo amafaranga n’ibiribwa by’ibanze bishyikirizwe abaturage, imihanda ifungurwa.
OCHA ivuga ko Teritwari ya Minembwe, Itombwe n’izindi teritwari zo mu misozi miremire, abaturage ba ho bari guhura n’ubuzima bubi kuko imihanda y’ingenzi yifashishwa mu bucuruzi n’ubutabazi yafunzwe n’imitwe y’inyeshamba, bigatuma abaturage batabona ibyo kurya n’imiti. Ibi byatumye ibiciro by’ibiribwa n’imiti bizamuka ku buryo bukabije, urugero nk’isukari n’ifu y’imyumbati.
Mu ntangiriro z’uku kwezi, abaturage b’i Minembwe bakoze imyigaragambyo bamagana gufungwa kw’iyo mihanda, bagaragaza ko igisirikare cy’Uburundi ari cyo cyayifunze mu rwego rwo “kurinda umujyi wa Uvira n’umupaka w’u Burundi”, bityo abantu bakaba batabona ubufasha bw’ibanze. OCHA isaba ko abakozi b’ubutabazi, ibitaro n’ibikoresho by’ubuvuzi byafashwa kugira ngo bishyikirizwe abaturage.
Iri shyirahamwe rivuga kandi ko intambara n’imitwe y’inyeshamba byongereye umutekano muke kuva mu ntangiriro z’uyu mwaka, bikaba byaratumye abaturage benshi bava mu ngo za bo bagahunga. OCHA isaba ko impande zose zishyamiranye zireka abaturage bagakora ingendo ndetse ibiribwa n’imiti bikabageraho nta nkomyi.
Abaturage bataka kuba mu buzima bubi, inzara n’ubutabazi budahagije, mu gihe igisirikare cy’u Burundi gishishikariza abantu kugendera kure y’abo bafata nk’abanzi. Iyo mitwe y’inyeshamba nka Red-Tabara na FNL-Nzabampema ihakana ibikorwa ishinjwa ko ikorera muri iyo teritwari.
