Amakuru live

Ikipe y’Igihugu ya Uganda yari yageze muri Maroc, yatangaje ko imikino ibiri ya gicuti yari kuhakinira na Madagascar na Tanzania, yakuweho mu rwego rwo kwirinda ikwirakwira ry’icyorezo cya Ebola.

Amakuru avuga ko imikino ya gicuti yose yari iteganijwe kubera i Marrakech muri Maroc yakuweho n’Ishyirahamwe ry’Umupira w’Amaguru muri Maroc.

Impungenge zatewe n’ubwandu bushya bwa Ebola buri mu karere ka Afurika y’Uburasirazuba, cyane cyane muri Repubulika Iharanira Demokarasi ya Congo no muri Uganda mu mpera za Gicurasi.

Mu Murenge wa Gatebe mu Karere ka Burera, abaturage bari mu gahinda nyuma y’aho umwana wari umaze iminsi yaraburiwe irengero abonetse yapfuye. Abantu batatu batawe muri yombi bakekwaho urupfu rw’uyu mwana.

Ambasaderi w’u Rwanda muri USA, Mukantabana Mathilde, yavuze ko u Rwanda rukomeje gushyira imbaraga mu gusobanurira Amerika ukuri kugira ngo ikurireho ibihano yafatiye RDF bijyanye n’intambara yo mu Burasirazuba bwa RDC.

Ibi bihano byatangajwe ku wa 2 Werurwe 2026. Washington ishinja u Rwanda gukorana na M23, ibyo u Rwanda ruhakana.

Byakomye ku basirikare bakuru barimo Gen. Mubarakh Muganga, Gen Maj Vincent Nyakarundi, Brig Gen Stanislas Gashugi na Gen Maj Ruki Karusisi, ndetse na RDF muri rusange.

Tom Kean Jr. wo mu ishyaka ry’Abarepubulikani muri Leta Zunze UBumwe z’Amerika, wari umaze amezi atagaragara i Washington cyangwa mu karere ahagarariye Leta ya New Jersey, yabonye ku wa Kabiri uburenganzira bw’ishyaka rye bwo kongera kwiyamamariza uwo mwanya, nyuma y’uko mu minsi ishize ashyigikiwe na Perezida Donald Trump.

Trump yari yanditse ku mbuga nkoranyambaga ati: “Tom Kean ndamushyigikiye cyane kandi mu buryo butajegajega kugira ngo azongere atorwe kuri uwo mwanya.”

Ikigo cy’Imisoro n’Amahoro (RRA) cyasabye abacuruzi b’ibikomoka kuri peteroli gukura vuba mu bubiko lisansi na mazutu imaze igihe kirenga amezi atandatu idakoreshwa, ingana na litiro 1.993.750, kugira ngo itunganywe ishyirwe ku isoko igurishwe.

Mu itangazo ryacyo, RRA yamenyesheje ko iyi lisansi igomba kuba yamaze kumenyekanishwa no kuvanwa mu bubiko mu gihe kitarenze iminsi 30 cyagenwe.

Iri tangazo rikomeza rivuga ko abazananirwa kubahiriza iri tegeko bazafatirwa ingamba, aho ibicuruzwa bya bo bishobora gufatwa bikagurishwa n’inzego za gasutamo.