Perezida wa FERWAFA yahaye Amavubi U17 ubutumwa bwo gutsinda Somalia

Kuri uyu wa Mbere tariki ya 24 Ugushyingo 2025, Perezida wa FERWAFA, Fabrice Ngoga Shema, yagiriye inama abakinnyi b’ikipe y’igihugu Amavubi y’abatarengeje imyaka 17, ababwira gukina bahatana bashaka intsinzi mu mukino bakina na Somalia uyu munsi saa sita z’amanywa z’i Kigali.

Iki kiganiro cyakozwe hifashishijwe uburyo bw’ikoranabuhanga, Shema yabibukije ko amahirwe yo gukomeza mu irushanwa akiriho, kandi ko ubushake n’imbaraga bizabacira inzira mu kugera ku ntego. Uyu mukino w’Amavubi na Somalia urabera kuri sitade yitwa “Abebe Bikila”.

Abakinnyi b’Amavubi U17 bari mu irushanwa rya CEFAFA riri kubera muri Ethiopia, rikaba ryaratangiye ku wa 15 Ugushyingo 2025.

Iri rushanwa ni ryo rizavamo amakipe azahagararira akarere mu mikino y’igikombe cy’Afurika cy’abatarengeje imyaka 17. Amavubi ari mu itsina A ari kumwe na Ethiopia, Kenya, Somalia na Sudani y’Epfo.

Kugeza ubu amavubi amaze gukina imikino ibiri aho mu mukino ubanza batsinzwe na Ethiopia ibitego 2-0, naho mu mukino bahuriyemo na Kenya, batsinzwe ibitego 2-1.

Perezida wa FERWAFA yaganiuirije Amavubi U17 mbere yo guhura na Somalia