RDC yemeje ko nta Ebola ikirangwa mu gihugu
Repubulika Iharanira Demokarasi ya Congo (RDC) yatangaje ko icyorezo cya Ebola cyari cyaradutse mu gihugu ku nshuro ya 16 cyarangiye, nyuma y’iminsi 90 kimaze kigaragara mu Teritwari ya Mweka ku itariki ya 4 Nzeri.
Minisitiri w’Ubuzima muri RDC, Dr Roger Samuel Kamba, yavuze ko ari intambwe ikomeye ku gihugu n’abafatanyabikorwa ba cyo.
Mu bantu 53 banduye, 34 barapfuye, abandi 19 barakize, naho 11 bari mu byo gukurikirana. Hatangijwe gahunda yo gukingira abantu 47,477, hakoreshejwe doze hafi 48,000 z’inkingo.
Igikorwa cyo guhangana n’iki cyorezo, hakoreshejwe abaganga barenga 1,350, imiryango 26 ifasha mu by’ubuzima, ndetse n’ikigo cy’Amerika cyita ku ndwara. Inkingo, ibikoresho byafashaga mu gupima, hamwe n’umuti wa Ebanga, byakoreshwe mu kurwanya Ebola.
Abarokotse, Thomas Musangu na Marie Jeanne Kadima, bashimiye abategetsi n’abaganga mu izina ry’abandi. Ubu DRC yinjiriye mu minsi 90 yo kuba maso, ikurikirana ubuzima bw’abarwayi no gukumira icyorezo.
Inzobere mpuzamahanga, barimo Ishami ry’Umuryango w’Abvibumbye Ryita ku Buzima (OMS/WHO), bashimiye intambwe igihugu cyateye. Dr Jean Kaseya yibukije ko hagati ya 2020 na 2025, RDC yatangaje icyorezo cya Ebola inshuro zirindwi, harimo icyari gikomeye muri Kivu ya Ruguru cyahitanye abantu 2,280 mu 3,470 banduye hagati ya 2018 na 2020.
