Sobanukirwa Hoteli imaze imyaka irenga 300 kandi ikoresha ingufu zituruka ku biti

22 Ugushyingo 2025 saa 06:20

Stanglwirt ni inzu yubatswe mu 1567 itangira ari nk’akabari k’abacukuzi b’amabuye, ariko ubu yabaye kimwe nu hantu heza ho kuruhukira mu misozi ya Ositiriya (Austria). Iherereye ku misozi ya Wilder Kaiser, ikaba imaze imyaka irenga 300 kandi iyoborwa n’umuryango wa Hauser kuva mu 1722.

Yaje guhinduka hoteli ikomatanyije ubukerarugendo n’ubuhinzi, kuko ifite ubutaka bunini bahingaho bimwe mu byo bateka muri iyo hoteli bakanororoeraho inka zitanga amata, foromaje, inyama n’ibindi byose ikoresha. Abashyitsi bavuga ko Stanglwirt atari hoteli gusa, ahubwo ari “icyanya cy’ubuhinzi cyubatsemo na hoteli”.

Iyi hgoteli yahinduye ubuzima bw’ibidukikije mbere y’uko biba ihuriro ry’isi—mu 1980 yatangiye gukoresha ingufu zituruka ku biti binyuze mu ruganda rukoresha ibishishwa bya byo. Mu 2024 hashyizweho ikoranabuhanga rishya ritwika ibiti byatemwe mu ishyamba bikayavamo amashanyarazi, ubushyuhe n’ubutaka butuma amabuye y’agaciro yiyongera. Ubu ni yo hoteli ya mbere ku isi ikoresha iri koranabuhanga kandi ikiyungurura ingufu za yo 100%.

Hoteli ya Stanglwirt yubakishijwe ibiti bya “Swiss pine” bifite ubushobozi bwo kuramba, kandi ibikoresho byinshi biyubakishijwe bikoze muri ibyo biti. Ibyumba byose bikozwe mu mwimerere w’i Tyrol (akarere k’imisozi yo mu majyaruguru ya Ositiriya gakunze kumenyekana cyane kubera uruhererekane rw’imisozi ya Alps, ubukerarugendo, imikino yo mu busitani n’imiterere ya ho yihariye). Abakozi bambara imyenda gakondo, kandi uburyo bwa Stanglwirt bwo kubungabunga ibidukikije bwatumye iba icyitegererezo ku isi.

Hari kandi amafarasi ya Lipizzaner, ahantu ho kogera hashyushye harimo n’igice cy’abakuze gusa, ndetse n’ahantu ho kurira ureba inka mu kiraro kiri iruhande rw’ururiro.

Nubwo ibyamamare byinshi bihakunda, uyu munsi ikibakurura si ibyo, ahubwo ni uburyo hoteli irengera ibidukikije.

Umuyobozi ushinzwe gutembereza abantu, Lois Manzl, yagejeje umunyamakuru ku misozi ifite ubuhaname bwa metero 1,500 ituranye n’inzu ya Stanglwirt, aho bamusanganiye n’amata, foromaje, inyama n’ibinyobwa byose bikorerwa hafi aho. Yasanze ibi bitari gusa ibihembo byo kurangiza urugendo, ahubwo ari isomo rikomeye ku buryo hoteli ya kera ishobora kuyobora inzira y’ejo hazaza mu bungabunga ibidukikije.