U Rwanda na Brésil byiyemeje gukomeza gushimangira ubufatanye mu bya gisirikare

Uyu munsi tariki ya 24 Ukuboza 2025, Minisitiri w’Ingabo z’u Rwanda, Juvenal Marizamunda, yakiriye Nyakubahwa Irene Vida Gala, Ambasaderi w’igihugu cya Brésil mu Rwanda, mu biganiro byabereye i Kigali bigamije gukomeza guteza imbere umubano mwiza usanzwe hagati y’ibihugu byombi.

Ibiganiro byibanze ku ngingo zifitiye impande zombi akamaro, by’umwihariko ku buryo ubufatanye mu bya gisirikare bwarushaho gushimangirwa, harimo guhanahana ubumenyi n’ubunararibonye, amahugurwa ndetse n’ubufatanye mu guharanira umutekano n’amahoro.

Impande zombi zagaragaje ko hari ubushake busesuye bwo gukomeza gukorana bya hafi, zishimangira ko umubano mwiza uhuza u Rwanda na Brésil ugira uruhare rukomeye mu guteza imbere umutekano n’iterambere rirambye, haba ku rwego rw’akarere no ku rwego mpuzamahanga.

U Rwanda na Brésil biyemeje gukomeza umubano