Ubuhinde: Ikipe y’abagore bafite ubumuga bwo kutabona yatwaye igikombe cy’Isi

Ikipe y’abagore bafite ubumuga y’Ubuhinde, yatwaye igikombe cy’Isi cyiswe “Twenty20 World Cup for the blind” mu mukino wa “Cricket”, bituma igihugu cyose cyishima.

Ubuhinde bwarushije Nepal ibitego birindwi mu mukino wa nyuma wabereye i Colombo, umurwa mukuru wa Sri Lanka ku Cyumweru tariki ya 24 Ugushyingo 2025.

Iyi ntsinzi, yabaye hashize ibyumweru bike Ubuhinde butwaye Igikombe cy’Isi cy’Abagore cya mbere mu mukino mpuzamahanga wa cricket urangira mu munsi umwe, bitegerejwe ko bizatera imbaraga abantu bafite ubumuga mu mikino mu gihugu cya bo.

Mu iri rushanwa hahuriye amakipe atandatu – Ubuhinde, Nepali, Pakisitani, Sri Lanka, Australia na Leta Zunzw Ubumwe z’Amerika.

Mu mupira w’abafite ubumuga bwo kutabona:

• Bakoresha umupira wa pulasitiki ufite ibyuma bisakuza.
• Abakinnyi bagabanywa hakurikijwe urwego rw’ubumuga bw’amaso: B1 (abatabona na gato), B2, B3. Amakipe agomba kuba avanzemo abantu bo muri ibi byiciro bitatu.
• Umupira ukinwa ukubiswe wikurura ku butaka (ku kibuga) aho kujya mu kirere.
• Abakinnyi ba B1 baba bafite ababafasha mu kwirinda, kandi buri ntambwe imwe babarirwa amanota 2.

Mu mukino wa nyuma, Ubuhinde bwagaraguye Nepali ku manota 114 ku bipimo bitanu, nyuma yo guhitamo gukina imbere, hanyuma irangiza umukino mu mipira 12 gusa, itsindwa itatu.

Mahantesh G Kivadasannavar, umuyobozi w’ishyirahamwe ry’abakina cricket ku bantu bafite ubumuga mu Buhinde, yagize ati: “Iyi ntsinzi izashishikariza abagore benshi n’abandi bantu bafite ubumuga mu Buhinde gukina cricket n’indi mikino.”

Abakinnyi b’ikipe y’Ubuhinde bagiye bahura n’imbogamizi nyinshi kugira ngo bubake ikipe. Abenshi baturuka mu byaro, mu miryango y’abahinzi n’ahacumbikirwaga mu mijyi mito, bigishijwe uyu mukino mu myaka mike ishize gusa.

Simu Das, umukinnyi wavuye mu cyaro gito cya Assam, yagize ati: “Nizeye ko intsinzi yacu izatera abandi benshi nkatwe imbaraga”.

Ikipe yakiriwe mu buryo bukomeye i Chennai kuri uyu wa Mbere mugitondo, kandi barongera kwakirwa ku kibuga cy’indege i Bengaluru mu masaha y’umugorovba, nk’uko Kivadasannavar yabitangaje.

Abanyapolitiki benshi ndetse n’abasanzwe bazwi muri cricket basangije ibyishimo byabo kuri iyi ntsinzi.

Minisitiri w’Igihugu, Amit Shah yagize ati: “Uyu munsi ni umunsi w’amateka ku mikino y’Abahinde. Ibendera ryacu ryazamuwe kubera ntsinzi yanyu. Intsinzi yanyu igaragaza ubushake n’umuhate wanyu mu guhesha icyubahiro igihugu.”

Mithali Raj, wari kapiteni w’ikipe y’Abagore b’Abahinde muri Cricket, yanditse ati: “Hari intsinzi zitwibutsa ko nta kibazo kiba gihari igihe impano itapfukiranywe”.

Yuvraj Singh, wahoze akinira Ubuhinde, yanditse ati: “Abatsinze berekana ko byose bishoboka ku bw’ubutwari n’ubuhanga. Mwashimishije igihugu cyose.”

Irushanwa ryatangiye ku ya 11 Ugushyingo i Delhi, hanyuma ryimurirwa muri leta ya Karnataka, nyuma rigasozwa muri Sri Lanka.