Yavutse nta nyababyeyi, inshuti ye isezerana kumubyarira ishirwa ibikoze

Umwongerezakazi, Georgia Barrington anejejwe no kuba umubyeyi, nubwo atari we wabyaye mu nda ye, ahubwo inshuti ye magara Daisy Hope ni yo yamutwitiye umwana kubera isezerano yamuhaye bakiri abangavu. Ubucuti bwa bo bwatangiye bakiri bato, ndetse bakaba barakuranye nk’abavandimwe.

Mu gihe yari afite imyaka 15, Georgia yamenye inkuru ibabaje ko yavukanye ikibazo cy’indwara ituma umwana w’umukobwa avuka adafite nyababyeyi bityo ntashobore gusama. Ibyo byamuciye intege cyane, ariko Daisy yumvise ko ari akarengane ko inshuti ye idashobora kuzabyara, ahita ayisezeranya ko izamubyarira umwana.

Nyuma y’imyaka myinshi, mu 2023 batangije urugendo rwo gushaka uko Daisy yasama hifashishijwe ikoranabuhanga. Georgia wari warize ububyaza, yabonye muri uyu mwuga uburyo bwo gukira ibikomere no kugira icyizere cy’ejo hazaza. Daisy amaze kubyara umwana we wa mbere, byatumye arushaho gushaka kuzuza isezerano rye.

Igerageza rya mbere ryo gutwita ryarananiranye kuko inda yabuze ikiyirimo mu cyumweru cya 7, ibintu byababaje bombi cyane. Ariko ntibacitse intege; ku nshuro ya kabiri Daisy yasamye inda. Nubwo yagize ibibazo byo kuva amaraso, umwana yakomeje gukura kugeza avutse.

Daisy yabyaye hakiri kare umwana w’umukobwa, Georgia arira cyane igihe yamubonaga bwa mbere, atumva ko inzozi yari yaramburiwe n’uburwayi bwe zabaye impamo. Georgia yumva afite amahirwe menshi yo kuba umubyeyi, naho Daisy avuga ko yari yiyemeje gufasha inshuti ye uko byagenda kose.

Bombi bavuga ko ubu bufasha bwatumye ubucuti bwa bo burushaho gukomera, kuko banyuze mu rugendo rudashobora gusanzwe.