Kera kabaye Iran yafunguye Umuhora wa Hormuz, Trump abyishimira avuga ati: “Murakoze”

Minisitiri w’Ububanyi n’Amahanga wa Iran yatangaje ko Umuhora wa Hormuz “ufunguye mu buryo bwuzuye” mu gihe cyose cy’agahenge kariho.

Mu butumwa yashyize ku rubuga rwa X, Abbas Araghchi yavuze ko, bijyanye n’agahenge kari mu karere ka Libani, inzira z’ubwato bw’ubucuruzi zinyura mu muhora wa Hormuz zafunguwe nta nkomyi mu gihe cyose agahenge kazamara.

Nyuma y’ubu butumwa, Perezida Donald Trump yahise abusubiramo, yongeraho ijambo rigufi agira ati: “Murakoze.”

Mu minsi ishize, Leta Zunze Ubumwe z’Amerika zari zatangaje ko zigiye gufunga ibyambu bya Iran biri kuri uyu muhora mu rwego rwo gusubiza ku kuba Iran yari yawufunze nyuma y’ibitero yagabweho.

Agahenge k’iminsi 14 hagati ya Iran n’Amerika kazarangira ku wa 22 w’uku kwezi kwa Mata.