Mu Karere ka Nyabihu, mu Murenge wa Bigogwe ahazwi nko muri Arusha, haravugwa inkuru y’urupfu rw’abantu 6, mu gihe abandi 2 barembeye kwa muganga nyuma yo kunywa inzoga bivugwa ko bikoreye ubwabo bavanga amazi na alukolo, bakagerageza kwigana kanyanga.
Amakuru yatangajwe na Isango Star avuga ko abo bantu baguye muri iyo nzoga itizewe, bikaba bikomeje guteza impungenge mu baturage bo muri ako gace. Abari mu bitaro bo bakomeje kwitabwaho n’abaganga.
Ubuyobozi bw’inzego z’ibanze na Polisi burasabwa gukaza ubukangurambaga bwo kwirinda inzoga zikorwa mu buryo butizewe kuko zishobora gushyira ubuzima bw’abantu mu kaga.
Ibitekerezo