Umwe mu bakinnyi bakomeye ku isi, Cristiano Ronaldo yahagaritswe iminsi 30 mu ikipe y’igihugu ya Portugal, anacibwa ihazabu y’amayero 255 n’Ishyirahamwe ry’Umupira w’Amaguru muri Portugal (FPF), nyuma yo kwivumbura akava mu mwiherero w’ikipe kubera kutumvikana n’umutoza, Jorge Jesus.
Cristiano w’imyaka 41, akaba ari kapiteni w’ikipe ya Portugal, yavuye mu mwiherero ku wa 9 Nyakanga arakaye, nyuma yo kutabanzamo mu mukino Portugal yatsinzemo Noruveje (Norvège). Yari yanabwiwe ko atazabanzamo mu mukino wakurikiyeho, Portugal yahuyemo na Danemark.
Cristiano yavuze ko yagiye kuko Jorge Jesus atubahirije ibyo bari bumvikanyeho, bityo akamuca mu cyizere yari amufitiye.
Jorge Jesus yahakanye ko yagiranye na Cristiano amasezerano ayo ari yo yose. Icyakora, yavuze ko yari yiteguye kumwakira akongera agasanga bagenzi be.
Cristiano watwaye Ballon d’Or inshuro eshanu, ni we mukinnyi watsindiye Portugal ibitego byinshi mu ikipe y’abagabo. Amaze kuyitsindira ibitego 146 ku rwego mpuzamahanga.
Ibitekerezo