Abahanzi bo muri Uganda, Pius Mayanja uzwi nka Pallaso na Patrick Murwana uzwi nka Alien Skin, bongeye guterana amagambo nyuma y’uko Alien Skin ashatse kumvikanisha ko Pallaso adakwiriye kwitwa umuhanzi.
Mu kiganiro yagiranye n’umwe mu bakorera ku muyoboro wa YouTube, Alien Skin uzwi mu ndirimbo “Fagone Forest” yavuze ko Pallaso akwiye kwitwa “umuhanzi w’umuvandimwe”, aho kumwita umuhanzi.
Yakomeje avuga ko Pallaso agifite byinshi byo gukora kugira ngo yemerwe nk’umuhanzi.
Pallaso yasubije ayo magambo, ashinja Alien Skin guhora amuvugaho agamije kwigarurira abantu no gukomeza kuvugwa muri Uganda.
Yagize ati: “Ubushize numvise amvugaho. Ndumva abiterwa no kubura icyo akora. Ahora ashaka uko yakongera kuvugwa; ni ikigoryi.”
Uku guterana amagambo kongeye kugaragaza umwuka mubi umaze igihe hagati y’aba bahanzi, bakunze kunengana ku mugaragaro.
Mu gihe Alien Skin ashidikanya ku mwanya Pallaso afite mu muziki, Pallaso we avuga ko ibyo mugenzi we amuvugaho ari uburyo bwo gushaka kwigarurira abantu.
Ibitekerezo