Urukiko rw’Ibanze rwa Nyarugenge rwagize umunyamakuru Ndambendore Valens uzwi nka Ndahiro Valens Papy umwere ku byaha byo gutangaza amakuru y’ibihuha no gutukana mu ruhame yari akurikiranyweho.
Urubanza rwari rushingiye ku nkuru yakoze mu 2024 kuri BTN TV ivuga ku bibazo abaturage bo ku Muhima bavugaga ko batewe n’ibikorwa by’umushoramari Ndayisenga Matherne. Nyuma y’iyo nkuru n’ibiganiro byayikurikiyeho kuri televiziyo zitandukanye, Ndayisenga yareze Ndahiro amushinja kumusebya no gutangaza amakuru y’ibihuha no gutukana mu ruhame.
Kuri uyu wa Gatanu tariki ya 12 Kamena 2026, urukiko rwemeje ko ikirego cy’Ubushinjacyaha nta shingiro gifite, rugira Ndahiro umwere ku byaha byose. Rwanategetse ko Ndayisenga Matherne adahabwa indishyi yari yasabye.
Mbere y’icyemezo, Ubushinjacyaha bwari bwasabiye Ndahiro igifungo cy’imyaka itanu n’ihazabu ya miliyoni 1,2 Frw.
Ibitekerezo