Igisirikare cya Ethiopia (ENDF) cyatangaje ko abarwanyi 272 ba Tigray bishwe, abandi 260 barakomereka mu mirwano yongeye kubahuza n’ingabo za leta. Cyavuze kandi ko hari abandi bafashwe mpiri, ndetse ko cyafashe intwaro n’amasasu.
Liyetena Jenerali Assefa Chekol, uyobora ingabo mu majyaruguru ashyira uburasirazuba bwa Ethiopia, yavuze ko abarwanyi b’umutwe wa TPLF bagabye igitero ku wa 22 Nzeri 2026 mu gace ayobora. Nk’uko abivuga, ingabo za leta zabasubije inyuma mu mirwano yabereye mu duce twa Raya Kobo, muri North Wello.
ENDF ivuga ko abo barwanyi batakaje abantu n’ibikoresho ubwo basubiraga inyuma. Imibare y’abishwe n’abakomeretse yatangajwe n’igisirikare cya Ethiopia ntiragenzurwa mu buryo bwigenga, kandi TPLF ntiragira icyo iyivugaho.
Iyi mirwano ije mu gihe hakomeje kuvugwa ubushyamirane hagati y’ingabo za leta n’iza Tigray, nyuma y’amasezerano y’amahoro yo mu 2022.
Ibitekerezo