Minisiteri y’Ubuzima mu Bufaransa yatangaje ko umuntu wa mbere wanduye icyorezo cya Ebola yo mu bwoko bwa Bundibugyo yabonetse muri iki gihugu.
Itangazo ry’iyi Minisiteri ryasohotse kuri uyu wa 24 Kamena 2026 rivuga ko uwanduye Ebola ari umuganga uheruka mu bikorwa by’ubutabazi muri Repubulika Iharanira Demokarasi ya Congo.Uyu muganga ufite ubwenegihugu bw’u Bufaransa yashyizwe mu kato.
Ubu inzego z’ubuzima zatangiye ibikorwa byo gushakisha abahuye na we kuko hari impungenge ko hari abo yanduje.
Uyu ni we murwayi wa mbere wa Ebola ubonetse mu Burayi muri uyu mwaka.
Kubera ko virusi iri gukwirakwira muri RDC ari iy’ubwoko bwa Bundibugyo (idafite urukingo kugeza ubu), u Bufaransa bwashyizeho uburyo budasanzwe bwo gupima abakozi bose b’abatabazi batashye baturutse muri RDC.
Umubare w’abamaze guhitanwa n’iyi ndwara ugeze ku bantu 254. Abamaze kwandura neza (confirmed cases) barenze 1,094.
Muri Uganda: Abantu 2 bari mu gihugu bamaze guhitanwa na yo.
Hari kandi n’abarwayi 20 bagaragaye bafite iyi virusi. Aba bose basanze bafite aho bahuriye n’ingendo bakoze muri Congo
Ibitekerezo