Kenya: Hamenyekanye umurwayi wa mbere wa Ebola

Umwanditsi Updated:
Text size

Kuri uyu wa Kabiri tariki ya 6 Ukwakira 2026, Minisiteri y’Ubuzima ya Kenya yemeje ko umurwayi wa mbere wa Ebola yamenyekanye.

Uyu murwayi yaje gupfa mu ijoro ryo ryakeye ku wa Mbere aguye mu Bitaro bya Nairobi.

Minisitiri Aden Duale yavuze ko uwo murwayi yari amaze imyaka irindwi aba kandi akorera muri Repubulika Iharanira Demokarasi ya Congo. Yarwaye mu kwezi gushize, avurirwa mu bitaro bitandukanye muri Congo mbere yo kunyura muri Uganda agaruka muri Kenya.

Yageze ku kibuga cy’indege mpuzamahanga cya Jomo Kenyatta kuwa Gatandatu w’icyumweru gishize mu ndege ya Jambojet yari itwaye abagenzi 23. Abo mu muryango we bahise bamujyana mu Bitaro bya Nairobi maze ashyirwa mu kato.

Ibizamini byakorewe muri laboratwari y’igihugu, KEMRI byemeje ko yanduye Ebola.

Minisiteri imaze kubona abantu 28, barimo abo mu muryango we n’abaganga bamufashije. Iri gushaka kandi abagenzi 23 n’abakozi bane bari kumwe mu ndege.

Abakozi bo mu rwego rw’ubuzima bambaye imyambaro ibarinda (PPE) bitabiriye amahugurwa yatanzwe n’umuryango Médecins Sans Frontières (MSF); aya mahugurwa yagenewe abakozi bitegura kongera imbaraga mu guhangana n’icyorezo cya Ebola mu gace runaka ka Repubulika Iharanira Demokarasi ya Congo (aho hari icyorezo cy’ubwoko bwa virusi ya Ebola bwa Bundibugyo). Aya mahugurwa yabereye ahantu hateguwe na MSF hifashishwa mu kwigisha uburyo bwo kuvura Ebola, haherereye mu Ntara ya Kajiado hafi ya Nairobi muri Kenya, ku wa 5 Kanama 2026. REUTERS/Thomas Mukoya
Ibindi:

Inkuru bijyanye

Ibitekerezo