Rutahizamu w’Umufaransa Kylian Mbappé yongeye kwigaragaza nk’umwe mu bakinnyi bakomeye ku isi, nyuma yo gufasha ikipe y’igihugu cy’Ubufaransa gutsinda Suède ibitego 3-0 mu mukino wo gukomeza mu byiciro byo gukuranamo.
Iyi ntsinzi yanatumye yandika amateka mashya atarigeze agerwaho n’undi mukinnyi muri iri rushanwa.
Mbappé yatsinze ibitego bibiri, kimwe muri buri gice cy’umukino, bituma ageza ku bitego 10 amaze gutsinda mu mikino yo gukuranamo y’Igikombe cy’Isi.
Uyu mubare watumye aba umukinnyi wa mbere mu mateka ubonye ibitego byinshi bingana gutyo muri iki cyiciro gikomeye cy’irushanwa, aho amakipe aba ahatanira gukomeza cyangwa gusezererwa.
Uretse uwo muhigo, Mbappé yanagejeje ku bitego bitandatu amaze gutsinda muri iri rushanwa ry’uyu mwaka, ahita anganya na rutahizamu wa Argentine, , ku mwanya wa mbere w’abamaze gutsinda ibitego byinshi muri iri rushanwa.
Uyu mukinnyi w’imyaka mike akomeje kwerekana ko ari umwe mu bayobozi b’ikipe y’Ubufaransa, aho ubuhanga bwe, umuvuduko n’ubukana mu gutsinda ibitego bikomeje gutera impungenge amakipe bahanganye.
Mu kindi gice cy’irushanwa, Paraguay yatunguye benshi isezerera Ubudage, kimwe mu bihugu byari bihabwa amahirwe yo kugera kure. Iyo ntsinzi yayihesheje guhura n’u Bufaransa mu mukino wa 1/8 uzakinwa ku wa Gatandatu i Philadelphia muri Leta Zunze Ubumwe za Amerika, guhera saa tanu z’ijoro (23:00) ku isaha y’u Rwanda n’u Burundi.
Abasesenguzi b’umupira w’amaguru bavuga ko uyu mukino uzaba ukomeye cyane, kuko Paraguay yerekanye ko ishobora gutungura amakipe akomeye, mu gihe u Bufaransa buzaba bwifuza gukomeza urugendo rwo kwisubiza igikombe, bwishingikirije ku mukino mwiza wa Mbappé n’abandi bakinnyi bayo b’inararibonye.
Niba Mbappé akomeje uyu muvuduko wo gutsinda ibitego no guca uduhigo, ashobora kurangiza iri rushanwa ari we mukinnyi wahize abandi haba mu gutsinda ibitego no gufasha Ubufaransa kugera ku ntego yo kongera gutwara Igikombe cy’Isi.
Ibitekerezo