Mu Ishuri Rikuru rya Gisirikare rya RDF Command and Staff College riherereye i Nyakinama mu Karere ka Musanze, hagiye kubera igikorwa cyo gusoza amasomo y’abofisiye bakuru bamaze igihe bahahugurirwa.
Mbere y’icyo gikorwa nyirizina cyo gutanga impamyabushobozi, abagize Itsinda rya Muzika rya RDF hamwe n’abasoje amasomo bakoze akarasisi kagaragaje ubumenyi bahawe mu bijyanye no gutambuka kwa gisirikare, bishimangira imyitozo n’ubumenyi bakuye muri iri shuri.
Amasomo bahawe arimo ajyanye no gucunga umutekano ku rwego rwo hejuru, igenamigambi rya gisirikare ndetse n’andi masomo atandukanye afasha abayasoje kunoza inshingano zabo mu kazi ka gisirikare. Muri rusange, abasoje aya masomo ni 108 baturutse mu bihugu 20 bitandukanye, harimo n’u Rwanda.
Muri abo, 55 barangije icyiciro cya gatatu cya kaminuza (Masters of Arts in Security Studies), bikaba bigaragaza urwego rwo hejuru rw’ubumenyi bahawe mu bijyanye n’umutekano n’ubuyobozi bwa gisirikare.
Amafoto agaragaza itsinda rya muzika rya RDF hamwe n’abashoje amasomo bakora akarasisi yakuwe kuri X ya RBA.
Ibitekerezo