Mugihe umwaka w’amashuri wa 2026-2027 wegereje gutangira ku wa 7, nzeri 2026. Ministeri y’uburezi yatangaje ko ibizamini bya leta bisoza amashuri abanza by’umwaka w’amashuri wa 2025-2026 bizasubirwamo kuko byagaragaye ko mu ikorwa ryabyo habayemo amanyanga yo gukopera.
Ministeri yatangaje ko ibi bizamini biza subirwamo guhera tariki ya 2, nzeri, 2026. Ni itangazo ryashyizwe ahagaragara ku wa 30, kanama, 2027 rivuga ko iperereza ryakozwe ku bikorwa byo gukopera bya kozwe mu gihe cy’ibizamini ryemeje ko habayeho gukopera muburyo bwa rusange. Byagaragaye ko habaye ho gukopera mu byumba 254 byakorerwagamo ibizamini.
Ibi byumba byarimo abanyeshuri 7,188 hirya no hino mu gihugu. Ibi byatumye ministeri y’uburezi ifata umwanzuro w’uko ibizamini bigomba gusubirwamo,bikongera gukorwa bundi bushya. Ni kunshuro ya mbere iyi ministeri ifashe iki cyemezo kuko ubusanzwe iyo byajyaga bigaragara ko habaye ho igikorwa cyo gukopera, abanyeshuri byagaragaye ho basibiraga.
Ministeri yavuze ko iki cyemezo cyije mu rwego rwo kurengera abanyeshuri ni kubungabunga ahazaza habo. Iri tangazo rivuga ko kuri uyu wa 31, kanama 2026 nesa iratangaza ibigo bizakorerwaho n’andi mabwiriza azakenerwa.
Ibi byateye ababyeyi benshi impungenge z’uko abana bazatsindwa kubera ko bibagiwe byinsi mubyo bize kubera igihe cyari gishize badasubiramo amasomo.
Bazubagira, wo mu karere ka Nyamasheke avuga ko akimara kubona iri tangazo yagize impungenge kuko abana bamwe na bamwe bari baramaze kwibagirwa ibyo bize kuko bari baziko ikizamini cyarangiye, akomeza avuga ko ibi bishobora kuza tuma abana batsindwa.
Ati: “kubera igihe cyari gishize abana badasubiramo amasomo, bashobora kuba barabyibagiwe sinzi niba bazatsinda uko bikwiye.”
Izi mpungenge si we wenyine uzifite kuko hari n’abandi bakomeje kuzigaragaza. Bamwe muri bo harimo Kwizera Fabrice, ufite umwana uzasubiramo ikizamini avuga ko afite impungemge ku isubiramo ry’ikizamini bitewe nuko abanyeshuri batagitekereza ku masomo bize ahubwo bari baratangiye gutegura ikiciro gikurikiyeho.
Ati: “nyine impungenge ntizabura kuko ubu abana bari baratangiye gutekereza ku by’amashuri y’ikiciro gikurikiyeho cy’amashuri yisumbuye iki ndi kandi baza kora bafite ubwoba.”
Ababyeyi bavuga ko abana batiteguye kuko batahawe igihe cyo kwitegura.
Kurundi ruhande minisitiri w’uburezi, Nsengimana joseph yatangaje ko harebwe ku cyo amabwiriza avugo cyo gutesha agaciro ibizamini by’abana bagahabwa zero, ariko harebwa no kubyo iperereza rya garagaje kuko ryagaragaje ko hari abantu bakuru babigizemo uruhare barimo n’anbari bashinzwe gukoresha ibizamini, basanze ko gukurikiza amabwiriza byaba bikabije.
Ati: “iperereza ryagaragaje ko habayeho gukopera MURI IBI BYUMBA BY’AMASHURI UBWORERO twagombaga gufata ibyemezo twashoboraga gukurikiza amabwiriza tugatesha agaciro amanita abana babonye hanyuma bagasibira, ariko kuko byagaragaye ko hari abantu bakuru babigize mo uruhare byari kuba bikabije niyo mpamvu twafashe umwanzuro w’uko abana bagomba gusubira mo ibizamini kandi bakabikora neza.
Ministiri yavuze ko aya ari amahirwe adasanzwe ku banyeshuri kuko badasanzwe bayatanga.
Si ibyo gusa kuko yasobanuye ko mu minsi isigaye abana bagmba kwitegura kuko ibizamini biza tangira ku itariki 2, nzeri kandi ibizamini bakora ari bike bityo ko bagomba guhera ku bizamini bizabanza bakajya bagenda batugura n’ibindi uko bizajya bikurikirana.
Ati: “bakwiyekwitegura mu minsi isigaye cyane ko ibizamini bakora aribike bazajya bitegura uko ibizamini bigenda bikurikirana cyane ko aya ari amahirwe adasanzwe kuko ntakindi guhe byigeze bibaho gusubiramo ikizamini cya leta.”
Ministiri Nsengimana yakomeje avuga ko nyuma yo gusubiramo ibizamini bizakosorwa vuba ndetse ko bateganya ko amanita ayabo aza tangazwa kuri 11, nzeri, bivuze ko bazaba babonye amanita ndetse n’ibigo baziga ho hanyuma bakaza tangira ishuri ku wa 14, nzeri bivuze ko bazaba batakaje icyumweru kimwe ariko asobanura ko gutakaza icyumweru biruta gutakaza umwaka.
Asoza asaba ababyeyi kwegera abana bakabafasha kwitegura ndetse bakabafasha kugera kuri site y’ikizamini bakanabahumuriza kuko ntakindi uretse kugenda bagakora ikizamini.
Izi ngamba zitezweho gufasha abana gukomeza amashuri yabo aho gusibira nkuko byari bisanzwe bikorwa kubanyeshuri bagaragawe ho gukopera.
Ibitekerezo