Umuhanzikazi Spice Diana yatangaje ko ari gutekereza ku bijyanye no kuba umubyeyi, avuga ko asenga asaba amahirwe yo kubona abana kandi ko azabyakira neza igihe cyabyo nikigera.
Mu kiganiro yagiranye n’imwe muri televiziyo zo mu gihugu, uyu muhanzikazi yavuze ko akunda abana kandi ko yiteguye kugira umuryango mugari, aho umubare w’abana azabyara awushyira mu maboko y’Imana.
Yagize ati: “Ndi gutekereza ku bijyanye no kubyara kandi ndabisengera. Igihe Imana izampa ayo mahirwe, nzabyakira nishimye cyane. Nkunda abana kandi sinzagarukira ku mubare muto, nshobora no kubyara abagera kuri batanu”.
Amagambo ya Spice Diana agaragaza ko yiteguye kubyara abana bagera kuri batanu, nubwo atigeze avuga igihe yifuza kuzaba umubyeyi.
Uyu muhanzikazi yanahakanye amakuru avuga ko atwite muri iki gihe, asobanura ko icyo yibandaho cyane ari ukwitegura igitaramo cye giteganyijwe mu kwezi kwa Mutarama 2027 kuri Hoteli Marriott i Nsambya.
Kuri ubu, Spice Diana avuga ko yibanda ku rugendo rwe rwa muzika mu gihe akomeje no kugira icyizere cyo kuzaba umubyeyi mu gihe kizaza.
Ibitekerezo