Ubuholandi: Abaganga 12 bashyizwe mu kato kubera icyorezo gishya
Ibitaro bya Radboudumc byo mu Buholandi byashyize abaganga 12 mu kato k’ibyumweru bitandatu nyuma yo kutubahiriza amabwiriza akomeye yo kwirinda virusi ya Hantavirus. Ibyo bitaro byavuze ko ibyago byo kwandura ari bike kandi ko ibikorwa by’ubuvuzi bikomeje nk’ibisanzwe.
Iyi virusi yagaragaye ku bwato bw’ubukerarugendo bwa Hondius, aho abantu icyenda bamaze kwemezwa ko bayanduye nk’uko byatangajwe n’Ishami ry’Umuryango w’Abibumbye Ryita ku Buzima (OMS/WHO). WHO yavuze ko hashobora kuboneka abandi bayanduye kubera igihe kirekire virusi imara itaragaragaza ibimenyetso, ariko ishimangira ko atari icyorezo nka COVID-19.
Kuva iyi ndwara yaduka, abantu batatu bamaze gupfa barimo Abaholandi babiri n’Umudage umwe. Virusi ya Hantavirus isanzwe ikwirakwizwa n’imbeba zo mu gasozi, ariko rimwe na rimwe ishobora kwandura hagati y’abantu begeranye cyane.
Ubwato bwa Hondius bwerekeje mu Buholandi nyuma y’uko abagenzi babuvuyemo muri Espagne, mu gihe ibihugu birimo Espagne, Ubufaransa na Amerika byakajije ingamba zo gukurikirana no gushyira mu kato abakekwaho kwandura iyi virusi.
