Umunyamakuru wa televiziyo akaba n’umuririmvyi wa rap wo muri Afurika y’Epfo, Molemo Maarohanye uzwi nka Jub Jub, yatawe muri yombi n’igipolisi akurikiranweho ibyaha birimo gushimuta umushoferi wa taxi no kumurasa amasasu amutumbereye.
Amakuru avuga ko ibyo byabereye mu gace ka Edenvale, hafi ya Johannesburg, aho Jub Jub ngo yahuye n’uwo mushoferi amushinja kuba afitanye umubano w’urukundo n’umugore we. Iperereza rya polisi rivuga ko yamuhatiye kwinjira mu modoka ye ku Cyumweru mugitondo, akaza no kumurasa amasasu atatu hafi ye, ariko uwo mushoferi agahita ahungira kure atagize icyo aba.
Nyuma y’icyo gikorwa, uwo mushoferi yatanze ikirego kuri polisi, bituma Jub Jub atabwa muri yombi. Biteganyijwe ko azitaba urukiko rwa Germiston mu iburanisha ry’ibanze, mu gihe we ataragira icyo atangaza kuri ibi birego.
Jub Jub si ubwa mbere ashyikirijwe ubutabera, kuko no mu 2012 yigeze gukurikiranwaho ibyaha byo kwica no gukomeretsa abantu mu mpanuka yabaye ari gusiganwa mu modoka mu buryo butemewe.
Ibitekerezo