Rayon Sports na Kiyovu Sports zigiye guhatanira miliyoni 206Frw
Rayon Sports na Kiyovu Sports zirahurira mu mukino ukomeye w’Umunsi wa 34 ari na wo wa nyuma wa Shampiyona, ku mugoroba wo kuri uyu wa Gatanu tariki 29 Gicurasi 2026.
Ni umukino witezwemo byinshi dore ko ikipe itsinda irabona itike yo kuzahagararira u Rwanda muri CAF Confederation Cup ya 2026/27.
Kunganya byaha amahirwe ikipe ya Rayon Sports kuri ubu irusha Kiyovu Sports amanota atatu.
Gutsinda uyu mukino bivuze kuba uwa kabiri muri Shampiyona aho bijyana n’igihembo cya miliyoni 60 Frw.
Ibyo kandi bihesha iyo kipe ya kabiri kuzabona ibihumbi 100$ (miliyoni 146 Frw) atangwa na CAF ku makipe akina ijonjora rya mbere ry’amarushanwa Nyafurika.
Rayon Sports iheruka kubwira abakinnyi bayo ko bazabona ibihumbi 500 Frw nibabona itike ya CAF CC.
Ni mu gihe Kiyovu Sports yashyizeho ibihumbi 200 Frw mu gihe abakinnyi bayo batsinda uyu mukino.Aya makipe yombi yatangiye guhangana kuva mu 1968.
Mu mikino 50 aya makipe amaze guhuriramo muri shampiyona, Rayon Sports yatsinzemo 30, Kiyovu Sports itsinda esheshatu, zinganya 15.
Nyuma ya Jenoside yakorewe Abatutsi mu 1994, mu mikino yose izi kipe zimaze guhura inshuro 75, muri izo nshuro zose Rayon Sports yatsinzemo imikino 41, Kiyovu Sports itsinda imikino 15 , zinganya inshuro 19.
Kiyovu Sports irakira Rayon Sports mu mukino w’umunsi wa 34 wa Shampiyona uteganyijwe kuri uyu wa gatanu saa 18:00 kuri Kigali Pele Stadium i Nyamirambo.
