Rusizi: Sitasiyo ya lisansi yafashwe n’inkongi ihitana abakozi babiri
Mu Karere ka Rusizi, mu Murenge wa Nyakarenzo, Akagari ka Karangiro, haraye habereye impanuka ikomeye yatewe n’inkongi y’umuriro, igahitana abantu babiri nk’uko BTNB TV yabitangaje.
Iyo nkongi yibasiye inyubako iherereye kuri sitasiyo ya lisansi, aho bivugwa ko yadutse ahagana mu ma saa mbiri n’igice z’ijoro. Abaturage bahageze batabaye bavuze ko bakeka ko yatewe n’ikorwa ry’amashanyarazi rishobora kuba ryateje umuriro.
Amakuru y’ibanze agaragaza ko abantu babiri bahitanywe n’iyi nkongi, bakaba ari abakozi bakoreraga kuri iyo sitasiyo ya lisansi.
Inzego zibishinzwe zatangiye iperereza kugira ngo hamenyekane neza icyateye iyi nkongi n’uko yakwirakwiye, mu gihe abaturage basabwa gukomeza kwitwararika ibikoresho by’amashanyarazi birinda impanuka nk’izi.
