Bujumbura: Kimwe cya gatatu cy’isoko ryo mu Kinama cyahiye, hangirika byinshi
Mugitondo cyo kuri uyu wa Kane tariki ya 7 Gicurasi 2026, inkongi y’umuriro yibasiye rimwe mu masoko manini yo mu mujyi wa Bujumbura rya Kinama, itwika amaduka menshi n’ibicuruzwa.
Nk’uko byatangajwe n’abacururizaga muri iri soko, uwo muriro wadutse ahagana saa moya za mugitondo (7:00 AM), utangirira mu gice cyacururizwagamo amavuta n’ibikoresho byo kwisiga, nyuma uhita ukwira mu bice byacururizwagamo imyenda n’ibikoresho byo mu rugo.
Abacuruzi bavuga ko habayeho akavuyo gakomeye, abantu biruka bashaka kurokora ubuzima bwa bo ndetse n’ibicuruzwa bya bo.
Hari abavuze ko bahombye ibintu byose, harimo n’ibicuruzwa bari baraguze bakoresheje inguzanyo za banki.
Abashinzwe umutekano, Ikigo Gishinzwe Ubutabazi no Gukumira Inkongi, Umuryango Utabara Imbabare, Croix Rouge ndetse n’abaturage bafatanyije babashije kuzimya uwo muriro mbere y’uko ukwira isoko ryose. Wazimijwe neza ahagana saa tanu.
Umuyobozi wa Polisi ishinzwe ubutabazi no gukumira inkongi yabwiye BBC ko hatangiye iperereza rigamije kumenya icyateye iyo nkongi ndetse no kumenya agaciro k’ibyangiritse.
