Umunyeshuri n’umukobwa wari wamusuye basanzwe muri Ghetto bapfuye
Mu Karere ka Rulindo haravugwa inkuru y’urupfu rw’Umuhungu wigaga muri Ishuri Rikuru ry’Imyuga n’Ubunenyingiro ishami rya Tumba wasanzwe mu nzu yari acumbitsemo amanitse mu nzitiramibu yapfuye ndetse n’umukobwa wari waje kumusura na we aryamye hasi yapfuye.
Iyi nkuru yamenyekanye kuri uyu wa 24 Werurwe 2026 Uwo muhungu yigaga mu mwaka wa mbere w’ibijyanye na ‘Information Technology’ muri RP Tumba College gusa uwo mukobwa wari wamusuye ntibiramenyekana niba na we yari umunyeshuri.
Abahageze basanze bari bifungiranyemo imbere hariho n’ingufuri. Uwo muhungu yari umunyeshuri gusa umukobwa ntibiramenyekana neza aho yiga cyangwa ari umunyeshuri
Umuhungu basanze amanitse mu nzitiramibu bisa n’aho yiyahuye na ho umukobwa we aryamye hasi.
Urwego rw’Igihugu rw’Ubugenzacyaha (RIB) na Polisi bamaze kugera aho ibi byabereye ngo bakurikirane icyo kibazo hamenyekane ukuri icyateje urupfu rw’aba bombi.
