Igitabo cya Miss Nishimwe Naomi cyegukanye ibihembo bitatu
Miss Nishimwe Naomie ufite ikamba rya Miss Rwanda 2020, yegukanye ibihembo bitatu mu bihembo bya Ebobea Book Awards 2026 abikesha igitabo cye “More Than a Crown” yamuritse mu mpera ya 2025.
Iki gitabo kigizwe na paji 192 cyahesheje Miss Naomie ibihembo birimo icy’umwanditsi mwiza (Best Author), icy’Igitabo cyiza (Best Book) n’lcy’umwanditsi utera imbaraga abandi (Most inspiring Author).
Iki gitabo cyari gihatanye mu bitabo 30 biturutse mu bihungu birimo Pakistan, China, Sri Lanka, Iran, Israel, Rwanda, Zambia, Kenya,Morocco, Brazil, Cuba, Guatemala, USA, France, Bosnia, na Australia.
Miss Naomi abinyujije ku mbuga nkoranyambaga ze kuri uyu wa 28 Gicurasi 2026 yashimiye byimazeyo abamushyigikiye muri uru rugendo rumugejeje ku ntsinzi barimo umuryango we, inshuti ze, umugabo we, Michael Tesfay n’abafana be.
Tariki 14 Ukuboza 2025, nibwo Miss Nishimwe Naomi yamuritse ku mugaragaro igitabo ‘More than a Crown’.
Iki gitabo Kigaruka byimbitse ku buzima bwe mbere yo kwegukana ikamba rya Nyampinga w’u Rwanda ndetse na nyuma yaho.
