M23 yungutse umuyobozi mushya mu bya politiki wahoze mu ishyaka rya Perezida Tshisekedi
Ihuriro AFC/M23 rirwanya ubutegetsi bwa Repubulika Iharanira Demokarasi ya Congo, ryashyizeho Vicky Ntumba nk’Umuyobozi Mukuru wa Cabinet ushinzwe ubuhuzabikorwa mu bya politiki.
Ishyirwaho rya Vicky Ntumba, rigaragaza intambwe ikomeye mu gushimangira ubushobozi bw’imikorere n’ingamba za Alliance Fleuve Congo na M23 (AFC/M23).
Iki cyemezo kije mugushimangira imikorere myiza n’ubwumvikane bw’inzego zitandukanye zikorera mu rwego rw’ihuzabikorwa rya politiki.
Mu nshingano ze nshya, Vicky Ntumba azaba ashinzwe harimo gushyigikira ihuzabikorwa rya politiki mu gutegura no gushyira mu bikorwa amabwiriza ngenderwaho, kwemeza ko ibikorwa bihuza inzego zitandukanye, no kugenzura ishyirwa mu bikorwa ry’ibyemezo by’ingenzi.
Vicky Ntumba ni inzobere mu bijyanye n’ubukungu wabyigiye, akaba an afite ubunararibonye mu by’imari mpuzamahanga. Uyu mugabo yakoze mu mabanki yo mu Bihugu binyuranye ku Mugabane wa Afurika.
Bivugwa ko uyu mugabo akomoka muri Teritwari ya Katanga mu Ntara ya Kasaï Oriental, yari n’umwe mu bagize ishyaka Union for Democracy and Social Progress (UDPS) rya Perezida Felix Tshisekedi.
